Mae'r Ffrinj Nuttar a Physgotwr Siarcod sydd yn digwydd bod yr un person wedi sylwi fod yna sylwadau a thrydarai dirmygus tuag at Jeremy Corbyn yn dod oddiwrth Cenedlaetholwyr Cymraeg. Ar un ystyr digon dealladwy, mae Llafur yn gelyn i hunaniaeth Cymraeg ond yn bersonol dwi meddwl fasa na mwy o gyfle trafod 'home rule' gyda Corbyn na sydd gynnon ni gyda the Conservative and Unionist Party of Great Britain. Rhyfedd ydy'r sefyllfa yma yn y Gogledd ble mae Gareth Jones wedi gadael Plaid Cymru oherwydd y 'Party Line' o beidio gweithio gyda Cheidwadwyr. Eto dealladwy yn nhermau ideoleg oherwydd mae cenedlaetholwyr a sosialwyr yn cofio 'Teirnasiaeth Thatcher' fel tasa fo ddoe ac rydym siŵr o fod ddim yn y meddwl iawn i fod yn oddefgar tuag atyn nhw ond ar ddiwedd y dydd, dim chwarae gwleidyddiaeth bleidiol ddylwn ni fod yn gwneud. Meddwl am y ffordd orau i gynnig gwasanaeth i bobol Cymru? Mae rhan fwyaf o bobol ddim yn aelodau o bleidiau gwleidyddol ond mae gennym ni'r sefyllfa chwerthinllyd bob pum mlynedd ble mae'r pleidiau yn disgwyl i ni ei ddewis nhw mewn rhyw gystadleuaeth 'Pick the least worst'. Faint sy'n darllen y Maniffestos? Faint sydd yn pleidleisio allan o draddodiad a theyrngarwch? Faint sydd yn pleidleisio oherwydd 'I'm all right Jack'? Eithaf tipyn o'r olaf fel arfer ond roedd o'n ddigon amlwg o ganlyniadau'r etholiad cyffredinol diwethaf fod 'na ddim gymaint o Jacks yn iawn. Mae UKIP ar Toris yn mynd i golli pleidleisiau yn y blynyddoedd i ddod oherwydd mae pobol gyda thueddiadau hunanol fel yna yn marw. A fydd y pleidleisiau sydd ar ôl yn mynd i'r Blaid Lafur neu i Blaid Cymru yng Nghymru? Yn anffodus y Blaid Lafur Cymraeg dau wynebol fydd yn elwa oherwydd y Corbyn effect.
Lwcus i bawb arall fy mod i yn Ffrinj Nuttar oherwydd dwi'n meddwl y ffordd ymlaen ydy sicrhau llywodraeth Corbyn yn Llundain, wedyn weriniaeth Brydeinig ac wedyn Cymru Rydd. Dwi ddim yn gweld sut fydd Cymru yn gallu fod yn annibynnol gyda'r frenhiniaeth ag y system dosbarth yn ei anterth yn Westminster. Mae o fel pisio yn y gwynt, felli rhywbryd fydd rhaid bod rhyw fath o gydweithio yn rhywle. Ble a rhwng pwy? Watch this space pop pickers.
No comments:
Post a Comment