Twyll & Sarhad

Yr Awdur Dysgwr Dreifio o Lundain from David Williams on Vimeo.

Fel dipyn bach o homage i'r Artist Taxi Driver dyma fi'r Pysgotwr Siarcod yn gwneud video bach yn fy Nghymraeg wide boy cockney yn lladd ar Senedd Cymru am ganiatáu i Aelodau gadael ei Phleidiau ac i fynd yn Annibynnol neu i eistedd a phleidleisio gyda grŵp arall o fewn y Cynulliad. Sut all hwn fod yn sefyllfa gyfreithlon a chyfansoddiadol? Faint o ganran o bobol oedd wedi pleidleisio i Gill, Elis-Thomas a Reckless a oedd wedi pleidleisio i'r blaid roeddent yn sefyll drosto. Er mor gas dwi'n teimlo dros genedlaetholdeb Prydeinig mae rhaid parchu hawl yr unigolion i bleidleisio dros y clowns yma sef UKIP. Mae o'n saff i ddeud tase Gill, Elis-Thomas a Reckless wedi sefyll yn etholiad blwyddyn ddiwethaf ar docyn annibynnol fysent wedi dod yn olaf yn y pôl oherwydd does 'na ddim traddodiad yn y Cynulliad beth bynnag o sefyll yn annibynnol. Mae'r creaduriaid yma wedi twyllo ei etholaethau ac mae'n edrych fod 'na ddim byd all ein llywodraeth genedlaethol gwneud am y peth. Mae hwn yn warthus ac yn dwyn sarhad ar ddemocratiaeth. Gwnewch rywbeth am y twyllo yma er mwyn Duw!