Ddoe, Sadwrn roedd yn ddiwrnod llawn cyffro i mi oherwydd roeddwn yn gwerthu fy hen gar ar ebay neu bae-e yn y Gymraeg. Ers i ryw feddwyn slammo fewn iddo fe ar noson San Steffan diwethaf, dydy o ddim wedi bod yr un fath. Mi ddaeth y cyffro min nos gyda phedwar yn rhoi cais i mewn ond wnaethon nhw ddim cyrraedd beth maent yn ei alw'r 'reserve', yr isafswm roeddwn i am dderbyn amdano. Dyma'r tro cyntaf i mi werthu un rhywbeth ar bae-e ond ar y wefan boblogaidd yma brynais y car nol yn 2012. Doeddwn ddim wedi cael car ers 2005 oherwydd doeddwn ddim yn ffan o'r ffordd hon o drafnidiaeth ond roedd rhaid i mi deithio mwy aml nôl a blaen i'r Gorllewin a chyfleustra oedd ar fy meddwl ond bois bach mae o'n gostus i gadw car ar y lon y dyddiau yma gyda Threth, Yswiriant, Cost Petrol ac wedyn Gwasanaeth a MOT a hwn am hen gar. Mi wnes i ei hysbysebu fel 'Spares or Repair' oherwydd ar fy hoff ffordd, yr A487, yn Aberarth i fod yn fanwl gywir, mi wnaeth y revometer mynd dros ben llestri a thynnu siapiau arnaf ac erbyn hyn mae'r speedometer wedi pallu. Felli mewn cydwybod dda doeddwn ni ddim yn gallu ei werthu fel car gyda dyfodol. Am 6.40pm ddaeth yr ocsiwn i ben ac mi roeddwn yn falch fod neb wedi ei ennill oherwydd faswn ddim yn hapus erbyn hyn yn deud ta ta i'r peth a chymryd pres da rhywun amdano. Mi weles i wedyn fod Cymdeithas yr Iaith Gymraeg wedi defnyddio hen gar ar faes yr Eisteddfod i wneud pwynt am ddysgu Cymraeg fel ail-iaith yn ysgolion fel model sydd yn methu a ddaeth i'm meddwl efallai fuasai Cymdeithas yn gallu ei ddefnyddio mewn protest yn y dyfodol. Dwi wedi cynnig o iddyn nhw ond ddim wedi clywed nôl eto. Os wnânt nhw ddim ffeindio defnydd iddo mi wnâi ofyn i ryw gwmni sydd yn ail-gylchu eich car i ddod i nôl o ac wedyn trosglwyddo unrhyw bres i elusen o'm dewis. Peth ofnadwy ydy cydwybod yn de! Wnaeth eich cydwybod byth arian ar eich rhan, ond drueni doedd dim cydwybod ar y diawl a wnaeth bwrw fi ar noson Sant Steffan a dreifio ffwrdd yng nghrombil y nos.
.jfif)
No comments:
Post a Comment