Anweithredol yn Economiadd

Doeddwn ni ddim yn siŵr beth oedd y label diwethaf i mi gael ond ar ôl darllen darn yn 'Fwrlwm y Bae' yn Gylchgrawn Golwg wsnos hon, sylweddoli na 'Anweithredol yn Economaidd' ydw i ag dwi wedi bod fel yna am dair blynedd ar ddeg bellach. 13 years, anlwcus i rai. Mae Llywodraeth Cymru wedi cyhoeddi cynllun newydd i geisio lleihau'r nifer o bobol sy'n ddi-waith yng Nghymru a chyrraedd yr un lefel a chyfartaledd y Deyrnas Unedig. Wastad chwarae catch up da ni wedi bod yn gwneud yn yr hen Gwalia, nawr rydym eisiau dal fyny gyda'r nifer o ddi-waith yn weddill GB PLC. Well, dyna uchelgais i chi, ras i'r gwaelod os fuodd un erioed. Mae o'n edrych fod Gweinidog y Gymraeg a Dysgu Gydol Oes Eluned Morgan gyda rhyw fath o hudlath! 
"Os oes cyfrifoldebau gofal gyda chi, allwn ni rhoi rhyw fath o strwythur mewn lle i'w helpu gyda nhw." Mae hi hyd yn oed yn mynd i ddatrys problemau iechyd meddwl. Nawr mae hwn yn dipyn o hudlath neu Magic Wand i'r Wenglish amongst you. Dwi ar bigau'r drain fan hyn nawr oherwydd dwi'n disgwyl gweld pobol mewn siwtiau yn dod i'r drws a chynnig gwasanaeth gofal i'm annwyliaid ag iddynt sortio allan fy mhroblemau iechyd meddwl sydd wedi bod gyda fi ers yn las lanc o 13 ag dwi'n 52 eleni, felli edrychwn ymlaen yn enfawr i weld beth sydd gyda nhw i gynnig yn y cynllun newydd yma. Ond i chi yn gwybod be, dwi'n eithaf hoffi'r label yma. 
Does dim mawr allai gwneud am y label 'Anhwylder Dau Begwn' oni bai am beidio sôn amdano fo ond mae yna rywbeth reit nobl a dewr am y teitl "Anweithredol yn Economaidd". Mewn byd cyfalafol, cystadleuol, neo-rhyddfrydol dwi falch o ynganu fy mod yn anweithredol yn economaidd ac efallai, efallai fydd rhaid iddynt dynnu fi nol i ryw fath o waith yn cicio a sgrechian. Gwyliwch y gofod yma.