Nid yw Cymru yn bodoli

Nid yw Cymru yn bodoli! Beth rhyfedd i ddeud tridiau cyn iddynt chwarae Gogledd Iwerddon mewn gem o bêl droed? Dyna wlad arall sydd ddim yn bodoli, y Six Counties i rai, Ulster i eraill. A hyd yn hyn dydyn ddim yn gwybod os yw'r syniad o Ewrop yn mynd i barhau, o oleua yn feddylfryd trigolion y Deyrnas Unedig. Felli beth mae'r Pysgotwr Siarcod yn awgrymu gyda'r frawddeg 'Nid yw Cymru yn bodoli'? Well, newydd ddod nôl o gerdded Clawdd Offa, yr hen ffin rhwng Cymru a Lloegr. Yn amlwg i Frenin Offa roedd Cymru neu'r Cymry yn bodoli ac mi roedden nhw yn boen tin. Pam fynd i'r drafferth o greu wal bridd? Ond croesais y ffin hen a newydd gymaint o weithiau, yn y diwedd doedd o ddim yn bwysig. Roedd pobol y ffin yn garedig ac yn gynnes pa bynnag ochor roeddech yn ffeindio'ch hun arno fo. Mi wedais i wrth gwpl o Seland Newydd jest cyn Mynydd Llanymynech  "Trouble is, you don't know which country you're in" ac ymatebodd e gan agor ei freichiau ai ffin cerdded yn llydan "Who cares"? ac yn lle gweud "I care", wedes i fel sleifiwr nodedig "some people are sensitive to these sort of things" ac yntau ychwanegodd ei wraig "Oh yes, that man was most insistent that he was in England and that he was English. 
Doedd na ddim croeso i mi mewn lle gwely a brecwast yn Llanymynech, y pentref cyntaf yng Nghymru felli cerddais ymlaen i Four Crosses ac mi wnes i bwyso'r gloch y funud wnaeth Cymru scoria’r gôl wnaeth ennill y gêm yn erbyn Slofacia. Wnaeth y drws agor at sŵn bloedd fawr "You'll have to excuse my husband, he's Welsh", "so am I" wedes i ond golwg digon anghredadwy roedd ar ei hwynebau nhw pan wedes i fy mod i'n byw yng Nghaerdydd. Cyn hyn edrychais draw at fynyddoedd y Berwyn a meddyliais "Tu ôl i fanna mae Cymru yn bodoli oherwydd dyna ble mae'r Iaith Gymraeg yn cael ei siarad". Mae yn gwneud i fi feddwl fod cyfuniad o ddosbarth rheoli Lloegr a Sais addolwyr, Rhyddfrydol Cymru, wedi dod i ryw ddealltwriaeth na gadael pethau yn agored ac yn llifo fel yr afonydd ar y ffin oedd y syniad gorau. Tasa na rhyw 'Sentry Box' yn Llanymynech gyda milwr mewn lifrau'r Free Wales Army, fuasa hwn yn atgoffa'r dreifwyr ar ei ffonau ei bod nhw yn symud o un wlad i'r llall ond dwi'n siŵr ar ôl iddynt stopio i gael ei passport wedi checkio fuasent yn gweud fel y dyn o Seland Newydd "Who Cares?"
Ag basa’r soldiwr yn ymateb "Well the Maori do....."