Rhag i chi feddwl fy mod yn Mr Grintachlyd 'personified' dyma fi yn y post yma yn canmol enillydd Fedal Rhyddiaith ar faes y sioe (Eisteddfod) Tony Bianchi. Dwi ddim yn ei nabod ond dwi wedi ei weld yn seiclo o gwmpas y ddinas. Dwi wedi darllen un o'i lyfrau sef 'Cyffesion Geordie oddi cartref'. Efallai fydd o ddim yn rhy hapus fod rafin fath a fi yn rhoi cyhoeddusrwydd iddo mewn blog o'r safon yma ond dim ond edmygedd sydd ganai am ddyn a siaradodd Gymraeg am y tro cyntaf yn hogyn ddwy ar bymtheg oed. Dysgodd Tony Cymraeg pan fynychodd Coleg Prifysgol Llambed. Dywedodd, mewn cyfweliad yn y Western Mail, bod "ysgrifennu'n Gymraeg wedi cynnig rhyddid iddo drafod pethau a phobl na fyddai efallai wedi medru eu trafod yn yr un modd trwy ysgrifennu'n Saesneg." Dwi'n edmygu oherwydd ei fod wedi dangos diffuantrwydd gan sgrifennu mewn ail iaith ond efallai mai e yn ei alw yn iaith gyntaf erbyn hyn, ddim yn llythrennol ond yn feddyliol. Mae angen mwy o Tony Bianchis ar yr Iaith Cymraeg, bobol all ddod ai cefndir ai chyfoeth diwylliannol i wneud ein byd yn fwy diddorol. Achos dos dim byd gwaeth na Chymro confensiynol yn fy nhyb i.
No comments:
Post a Comment