Rants Iechyd y Meddwl/Mental Health Rants

 

'Rant' mae'r gair ei hun yn un crac ac un flêr. Mae yna ddicter yn y gair a dyna sut dwi yn edrych ar Iechyd y Meddwl. Dim Iechyd Meddwl ond iechyd y meddwl. Iechyd sydd yn perthyn i'r meddwl. Dwi'n dod o gyfnod y punks ble roedd y neges yn y gerddoriaeth ac yn y wisg. Capel ar y Sul a safety pins gweddill yr wythnos! As if! Na os dwi'n debyg i chi dwi'n hanu o deulu a thraddodiad parchus Cymraeg ond dydy iechyd y meddwl ddim yn barchus. Weithiau mae yn gallu gweiddi'r gair 'Cont' allan yn uchel ac yn atseiniol. Dwi ddim yn meddwl fod yna digon o le yn gymdeithas i fynegi rhwystredigaeth a dicter. Dyna un rheswm am gymaint o drais yn y cartref. Dydy o ddim yn esgus amdano fo o’n mae yn rheswm. Mae defnydd o gyffuriau cyfreithlon yn gallu gwneud o yn waeth. Alcohol 'the go to drug of choice' i bobol barchus Cymru yn achosi mwy o broblemau na chanabis a cocaine tybiwn ni. Ond o beth rydym ni yn ceisio ffoi? Oddiwrth beth rydym ni yn rhedeg? Y ffaith ein bod yn feidrol ac yn mynd i farw heb sylweddoli ein huchelgeisiau? Beth ydy'r cysgod mawr yma sydd yn cyhwfan drosom ni gyd ac i'r rhai anffortunus (neu ffortunus) mae yn troi mewn i afiechyd y meddwl. Dwi ddim yn teimlo fod yna digon o drugaredd a haelioni yn y byd. Mae rhaid i ni weld mwy o hyn yn ein bywydau bob dydd yn lle gweld erchyllterau'r byd ar y newyddion 24/7. Os ydych mewn sefyllfa argyfwng yn ein cymdeithas pwy sydd yn cael ei alw (yn dibynnu ar ble dych chi'n byw: y loteri cod post bondigrybwyll) gan amlaf yng Nghymru, yr Heddlu sydd yn cael ei galw. Dim am ddim maent yn cael ei galw 'Y Peace Force'. Mae blerwch afiechyd y meddwl yn amharu ar heddwch gymdeithas felli mae rhaid i alw am bobol sydd yn cadw'r heddwch ond ydy bob unigolyn dwedwch yn haeddu goddefgarwch a haelioni gymdeithas? Ond mewn system gyfalafol, gystadleuol ble mae'r amser i gael taw ymysg y storom. O'r ysgol i'r brifysgol i'r gwaith ta gyrfa i briodas i ymddeoliad i'r bedd. A dyna di bywyd? Well os hwnna ydy bywyd dwi wir yn synnu fod 'na ddim canran mwy uchel yn dioddef o afiechyd y meddwl. Roedd y punks yn gweld fod cyfaddawdu yn lladd pobol. Dyna waith y sefydliad chi'n gweld, i wneud yn siŵr mi rydych chi yn cyfaddawdu. Yn sicr, mae natur a geneteg gyda rhan i chwarae ond yr amgylchedd sydd yn bwysicach yn penderfynu os fydd afiechyd y meddwl yn amlygu. Mewn cymdeithas ble mae'r unigolyn yn cael ei werthfawrogi a'i barchu fel enaid holistaidd yn lle uned economaidd i wneud pres a thalu treth cawn weld llai o afiechyd y meddwl ond mae rhaid i ni fel unigolion newid y diwylliant. Mae rhaid i ni droi ein cefnau a'r diwylliant sydd wedi anfon gymaint o'n cyndeidiau yn sâl ac i fedd cynnar. Mae rhaid i ni fynnu gwell.