Dyfalbarhad

Dyfalbarhad

A dyma ni heddiw ar ddiwrnod dyfalbarhad sef diwrnod canlyniadau TGAU. Lefel O oedd o yn fy nghyfnod i chi. Dwi'n cofio ble oeddem ni pan ges i fy nghanlyniadau, Aberaeron, Sir Aberteifi neu Dyfed fel roedd o ar y pryd. Yn sbïo draw i ochor arall yr harbwr a gweld pobol yn chwarae mewn brass band. Diwedd mis Awst ag mi roedd 'na ryw Garnifal sydd yn parhau tuag at y dydd hwn. Carnifal ydy arholiadau. Ffair llwyddiant neu fethiant yn un ar bymtheg oed. Y gwahaniaeth rhwng mynd ymlaen i Brifysgol a hunan fodlonrwydd y dosbarth canol neu droi at fyd gwaith yn ifanc, prentisiaeth efallai ac wedyn flynyddoedd o ddicter a theimlo'n ddug am gwrs bywyd. Methais i fy Lefel O ac yn lle mynd ymlaen i fod yn newyddiadurwr mi es i ymlaen i astudio argraffu neu weinyddiaeth argraffu i fod yn fanwl gywir. Yr inc yn lle o ble ddaw'r inc. Y peth gorau i mi ar y pryd oedd gadael Cymru a mynd lawr i Dde Lloegr i astudio ac wedyn ar ôl dwy flynedd yn nol i Ogledd Cymru i wynebu unwaith eto ardal fy methiant. Ar ôl dwy flynedd arall mi roeddwn yn y North Wales Medical Centre ar ôl cael nervous breakdown a dwi ddim really wedi dod at fy nghoed ers hynny. Nawr mae chwarae victim status yn ddigon hawdd i mi, teimlo really hard done by ydw i gan fywyd a dwi'n olrhain yr hanes i'r diwrnod hwnnw yn 1983 pan welais i ddyn yn chwythu ei diwba ar ôl i mi gael fy nghanlyniadau. Mi roedd o fel rhywun yn tynnu cadwyn ar doiled bywyd. 
Dyfalbarhad, you've either got it or you haven't cyw and I haven't! Dwi di ofni mentro ers y diwrnod hwnnw jest in case dwi'n methu eto. Mae methu unwaith at 16 yn ddigon i unrhyw un.