Merched Dyfnaint

Meddyliais i’m hun fel roeddwn ar bererindod yn y De Orllewin pa mor batriarchaidd a ddynol oedd mudiadau cenedlaethol ‘Mae hen wlad fy nhadau’ ‘Meibion Cernyw’ fel enghraifft. The Fatherland. Ar ôl gweld baner Dyfnaint yn cyhwfan yn y gwynt yn Plymouth a Caerwysg tybed a oedd na mudiad cenedlaethol o’r enw ‘Merched Dyfnaint’? Mi roedd gyda ni ‘Ferched Beca' yng Nghymru ond dynion wedi gwisgo fyny fel merched roedd y rhain. Mi wyddom yn hanesyddol am ferched Comin Greenham, am y Asociación Madres de Plaza de Mayo Argentina ac am ferched y Kurdiaid yn brwydro yn erbyn ISIL a Thwrci ar hyn o bryd. Mae Dyfnaint yn sir arbennig a tybed tasa na mudiad gwleidyddol benywaidd yn dod o’r Sir fasa mwy yn y Westminster Bubble yn cymryd sylw o’r darn cysglyd yma o’r Deyrnas Ranedig. Sylwais fod yna Siop Heddwch yng Nghaerwysg. The Campaign for Nuclear Disarmament gyda’r haul yn gwenu yn y canol.    

A oes gyda ni rhyw fath o strategaeth tybed tasa na rhyw fath o Fukushima yn digwydd yn Ewrop. Fydd cryn dipyn o bryder ynglŷn â chynlluniau'r llywodraeth am Wylfa B a Hinkley C. Pobol Gwlad yr Ia fydd yn ei chael hi a dalgylch de Cymru tuasa na rhyw anffawd yn Hinkley. Ar hyn o bryd mae 'na glawr mawr yn cael ei rhoi dros weddillion Chernobyl i gadw'r ymbelydredd rhag gollwng. Fersiwn gwledydd mawr o frwsio newyddion drwg dan y carped. Mae pobol heddychlon ei natur yn gryn bryderus am y ffaith bod Trump yn y sedd fawr yn Washington, Erdogan yn Nhwrci, Netanyahu yn Israel a Putin a’i fys ar y botwm coch ond rydym wedi bod yn y fan hyn o blaen yn do gyda’r rhyfel oer. A fydd rhaid i ni adael o fyny i’r merched protestio eto er ein rhan? Mewn cyfnod ôl Cristnogaeth a secular a tybed a’i symudiadau paganaidd, hippy, teithwyr yr oes newydd fydd yn ail atgyfnerthu i warchod ein natur amhrisiadwy. Mae rhaid i rywun dweud yn glir ac yn gryno fod digon yw digon. Gawn weld beth ddigwyddith gyda'r North Dakota Pipeline. Maent wedi rhoi taw arno fo am y tro beth bynnag. Efallai fod Cyfalafiaeth yn tyfu cydwybod? Na mae cyfalafiaeth fel cell cancr yn atgyfnerthu ar ôl pob llwyddiant ond beth rydym yn gweld yn y byd ydy Fasgaith yn cymryd lle cyfalafiaeth. Maent wedi rhannu'r un gwely yn hanesyddol beth bynnag. Amser arddengys unwaith eto yn anffodus.