Nid dim llai na chwyldroad

Annwyl Gary

Dwi arddeall fod chi am drafod iechyd meddwl ar raglen prynhawn yma (Gwener) ag hoffwn gynnig rhai sylwadau mewn e-bost i chi efallai cysidro.Mae'r Cynulliad am wybod sut allan nhw helpu pobol sydd yn dioddef! Yn fy mharn personal ac fel cyfarwyddwr artistic cwmni theatr Red Button sydd yn ceisio gweithio o fewn y maes ac i ddyfynnu Saunders Lewis

'
'Nid dim llai na chwyldroad'

sydd ei angen yn ein cymdeithas gystadleuol, gyfalafol. Rydym wedi byw trwy un o gyfnodau mwyaf erchyll a treisgar erioed yn hanes dynol rhyw gan ddechrau gyda 9/11. Rydym ni gyd wedi gweld lluniau treisgar a chlywed storiâu mwyaf erchyll ac mae cymdeithas yn disgwyl i ni fynd i'r gwaith fel petai fod ddim byd wedi digwydd. Sut ydy bobol yn meddwl gall hyn i gyd ddim cael effaith ar feddyliau pobol ifanc yn benodol. Maent yn ceisio tyfu fyny mewn byd mwyaf bygythiol ac wedyn rydym yn synnu pam ei bod yn mynd yn drist ac yn isel ac yn meddwl bydd tabledi o'r Doctor yn ei gwneud nhw yn well. Sticking Plaster ar friw agored ydy hwn. Mae rhaid gwella cymdeithas, mae rhaid dangos i bobol ifanc nag nid dysgu, gweithio, cenhedlu, cystadlu ydy pob dim. Yr economi sydd yn ein harwain. Mae pobol yn rhedeg ar ofn ond ofni be ydym ni yn y bôn? Ofni marw? A thyle’r Cynulliad rhedeg sesiynau trafod marwolaeth yn enwedig marwolaeth yr iaith Gymraeg. Sut all neb ddisgwyl i bobol fod yn iawn ei meddwl gydag un o'r pethau mwyaf sylfaenol, mwyaf eneidiol yn ei bywydau dan fygythiad sef yr iaith maent yn cyfathrebu ynddo. Fydd rhaid i'r Cynulliad ddelio gyda gwreiddiau ein problemau ni fel cymdeithas nid y symptomau.

Fel rhan o strwythur delio da hwn mi allai'r Cynulliad gyda chymorth eich rhaglen chi ffeindio Cymry Cymraeg sydd wedi dioddef iselder ag afiechyd meddwl. Maen nhw wedi bod yn ffonio eich rhaglen yn ddiweddar. Hyfforddwch nhw yn sgiliau advocacy. Nid bobol broffesiynol, feddygol sydd ei angen fan hyn ond bobol reddfol, dosturiol sydd wedi bod yn y mannau tywyll. Pobol sydd wedi gwisgo'r Crys T ac sydd dal yma i weud ei hanes. Rhowch arian tu ôl i rain! Rhowch arian tu ôl i Gymry Cymraeg i fynd allan i siarad â'i gyd Cymry  am y pethau pwysig mewn bywydau fel teimladau, fel iselder, fel diffyg pres a gwaith diddorol sydd werth ei wneud a thranc yr iaith, yn lle parcio a siopa a phapur tŷ bach. Anghofiwch y manion. 

Mae rhaid i ni edrych ar ein cymdeithas artificial a gwirdroi y cwrs mae arni! Dim ond ysbryd ag enaid bobol sydd ddim yn obsessed ag arian a gyrfa all wneud hyn. 

Yn Gywir

Dafydd Williams

Cwmni Theatr Red Button