Hen het bellach

Ges di dy gyfle, yn do?

Ges di filoedd ohonynt yn do? Yn do?

Does dim pwynt alaru, rhy hwyr i garu.

Caeau Ceredigion yn llawn Cymry wedi dod i gystadlu

Beirniaid, Ysgolheigion, Derwyddon bob un ohonynt gyda'i 'mobile phone'

Mae rhai yn rhy eiddgar i brofi ei fod nhw 'Yma o Hyd'

Ella fuasent yn well off yn cymryd bach o 'speed'

Unwaith y flwyddyn mae Hwntw a Gog yn gallu rhannu'r un bog

Culni a chasineb yn perthyn i ni, fel pawb arall "Sbïwch dyna honna honna a hwn a hwn"

Carafanau mewn cwr o gaeau  

"Os welaf di Dwynwen, cofia deud Hi"

Mae bod yn aelod o leiafrif sy'n ceisio fod yn fwyafrif yn hollol draining.

Ceisio penderfynu os am wthio fy agendor lawr corn gwddw neu roi gorau i'r 'mansplaining'

Siŵr fod 'na rhwyg yn y 'psyche' erbyn hyn

Fydd na chyfle i fynd i'r Eisteddfod ar fy meic?

Neu Cars only fydd o?

Cors Caron yn debycach i Dover

Beth sydd yn cael fi mwy na dim byd,

 ydy'r ffaith fod yr Eisteddfod ddim yn cydnabod fod 'na fath beth ag 'unemployed'.

Allwn ni fod allan o waith oherwydd iechyd meddwl ond dych chi am inni dalu dwbl? trebl?  

"Allwch chi wirfoddoli?" waeddoch chi

"Dwi ddim yn siŵr os ydy o werth trafferthu cyw"

Mi fydd na goron a chadair ag enillwyr di ri’ ond "cymryd rhan di'r peth pwysicach" meddwch chi.