Methiant Cydwybodol

Methiant Cydwybodol

Dydy dyn cant oed ddim yn haeddi y fath driniaeth

ond mi es i amdano fo gyda fy nhafod, fel bwa saith.

Blynyddoedd o flinder mae'n rhaid, 

ond mae'n hawdd cyfiawnhau unrhyw beth mewn naid.

Dydy Taid ddim yn deilwng o'r ffasiwn iaith

sydd yn dod allan o geg ei fab di waith.

'Methiant Cydwybodol' fues i erioed

'aflwyddiannus anhysbys'

a dyma fy ngwobr, 'gofal oes'

dros un a fuodd yn weithiwr bara fel toes

Carchar ydy gofalu, peidiwch wrando ar y rhai

sydd yn deud fod o'n fraint, mae o yn haint.

Arberth di popeth mae'n debyg

ond uffern di ofal cefn gwledig

'Social Services' yn cynnig dod mas i lenwi rhyw 'tick box'

i weld beth allent wneud.

Dim Diolch

Cyn lleied, rhy hwyr.

Siom a chywilydd dwi'n teimlo,

siawns, mae'n well na wylo