Annibyniaeth trwy Ysbrydiaeth

Fydd rhai pobol wedi peidio darllen ar ôl y gair ysbrydiaeth ond fyddant wedi cael ei chynhyrfu gan y gair Annibyniaeth. Ar hyn o bryd yng Nghymru rydym yn gweld cynnydd yn y meddylfryd 'Annibyniaeth i Gymru'. Raliau a mudiadau ym mhob man ond dydi’r mudiadau a phleidiau yma ddim yn rhannu'r un wleidyddiaeth. Maent yn rhannu'r un nod, sef Annibyniaeth i Gymru o fewn y Deyrnas Unedig ond sut mae cyrraedd y nod yna ydy'r cwestiwn. Mwy o raliau ag mwy o areithiau? Efallai. Mae o yn ffasiynol i fod o blaid annibyniaeth ag mi rydych yn beryg i gael cael eich galw yng ngamwn os ydych yn erbyn, neu yn Brit Nat. Mae'r rheina ar y dde o sbectrwm gwleidyddol wedi cael ei alw yn Ffasgwyr ag yn Natsïaid gan y 'Totalitarian Left' a dwi ddim yn meddwl fod hwn yn helpu neb ond mi wnaeth llewpard ddim newid ei sbotiau. Mi fydd wastad giang yn galw enwau ar y garfan arall ond rydym mewn cyfnod cythryblis iawn yn wleidyddol ar draws y byd. Yn bersonol dwi ddim yn meddwl bydd y nod o gyrraedd annibyniaeth i Gymru o fewn y deyrnas unedig yn digwydd yn y ffordd draddodiadol. Mi fydd rhaid i ni gyd ollwng teilyngdod i ein gwleidyddiaeth benodol sef Phoblyddiaeth, Sosialaeth, Rhyddfrydiaeth a phopeth yn y canol. Yr unig ddyn i guro'r Ymerodraeth Brydeinig oedd Mahatma Ghandi. Os am Annibyniaeth i Gymru o fewn y Deyrnas Unedig mi fydd rhaid efelychu'r dewin yma ym mhob ffordd. Gwisgo yn yr un ffordd, tyfu bwyd ein hunan a cherdded i bob man. Does dim pwynt i gael Bws i Gaernarfon, mae hwnna yn rhedeg ar olew o'r ddaear. Y peth gorau i wneud ydy cerdded o Gaernarfon i'r man nesaf fydd Rali AUOB. Pwy a ŵyr efallai fydd miloedd yn cerdded o Gaernarfon i Gaerdydd rhyw ddiwrnod i ail etifeddu ei gwlad. Yn debyg i Mohandas Mahatma Ghandi ar orymdaith halen. Efallai erbyn hyn mae rhai o fy narllenwyr ffyddlon yn chwerthin llond ei bol. Mae'r dyn yma ddim hanner call! Well mae hwnna yn ffaith. Dwi wedi sgrifennu digon am hwnna yn y gorffennol ond os ydym ni yn wir feddwl ein bod yn mynd i gael ein ddi-coloneiddio yn defnyddio'r un ffordd o fyw ar coloneiddwyr rydym yn mynd i gael 'rude awakening'. Dwi'n siŵr mae 'na Heddlu Cudd a rhyw adran yn MI5 wrthi ar hyn o bryd yn ceisio gweithio allan sut i ddenu rhai o bennau poeth y mudiad i droseddu ac i roi enw drwg i'r achos. Mi fydd rhaid bod yn ofalus ond yn y cyfamser daliwch chi ati i ddosbarthu taflenni.  

Darllen Pellach

https://sharkfishinginwales.blogspot.com/2016/05/sponsored-walk-or-protest-march.html

https://sharkfishinginwales.blogspot.com/2017/12/re-welshing.html