Anturiaethau Pellach Squeaky Socks a Tomos

Mae'r par yma o gathod yn 'grifters' soffistigedig. Mae Tomos wedi cymryd ei le yn y garej ac mae 'squeaky socks' yn gwneud y mwyaf o'r sylw sydd yn dod yn sgil cath fach chwareus. Ar ôl ddwy noson ble oedd 'socks' yn cysgu allan, gyda ni ddim eisiau annog hi i fod yn rhy gartrefol, sylweddolwn fod y ddwy gath yn ymgynghori yn ystod y nos ar sut i gael y mwyaf ffws a ffwdan allan o'r bobol meddal yma.
Ar nodyn mwy difrifol rydym wedi sylwi fod yr hen Tomos yn gloff ac mae 'na graith heb flew ar ei goes dde cefn. Efallai wedi cael e'n sownd mewn trap neu wedi bod yn ymladd a rhywbeth wedi rhoi uffern o frathiad iddo. Mae'r ddwy gath yma wedi dod atom ni o nunlle 'one dark and stormy night' ac rydym yn gwario pres ar fwyd cathod ble roeddwn ni ddim o'r blaen ag nawr mae'r bwgan o filfeddygon yn dod dros y gorwel gyda mwy o bres yn fantol. Dyna pam dydyn ddim yn cadw anifeiliaid, y gost! ond mae'r ddau yma wedi dod atom ni fel her, mae hynny yn amlwg. Wythnos arall ar wefan y 'Gynghrair Amddiffyn Cathod' fel un wedi ei ffeindio i squeaky socks ac wedyn gobeithio bydd hi yn cael ei fabwysiadu go handi. Unwaith maent wedi  blasu bwyd maen nhw yn dechrau eich addoli ag pendant dim 'duwiau' ydym ni.  Dwi'n ddiolchgar i'r par yma am un peth, y cyfle maent wedi rhoi i mi sgrifennu amdanynt yn fy mamiaith, ond erbyn hyn, yn debyg i'r hen gath wyllt, yr iaith fwy bratiog sydd gyda fi.