Free Wales and Moby Dick for King

Gyda Phlaid Cymru ar ei wely angau fel Plaid wleidyddol neu o leiaf yn troedio dwr, diddorol gweld fod 'na giang o bobol genedlaetholgar am gyfarfod yng Ngwesty Bonedd y Belle Vue, Aberystwyth yn stafell y cefnfor rhwng 1 a 5 ar Dachwedd y bedwerydd. (Stop Press: Y dyddiad rwan ydy Dydd Sadwrn 18fed o Dachwedd, dal yn Aberystwyth ond mae'r lleoliad yn ddirgelwch. Ebostiwch am fanylion.) Bobol fel dwi'n deall sydd wedi cael llond bol o anallueddrwydd y Blaid i wneud unrhywbeth o werth dros bobol y wlad maent yn honni cynrychioli. Mae'r plant newydd ar y bloc yma wedi disgrifio ei hunan yn wleidyddol ar y dde o'r canol ac o beth dwi di ddarllen ar y cyfryngau cymdeithasol maent yn sgrifennu sylwadau atgas sydd yn nodweddiadol o bobol gyda'r tueddiadau yma, gweler safle Guido Ffowc am esiamplau da yn y Saesneg. Honiad Plaid Cymru ei fod am ymestyn allan i bobol sydd ddim wedi pleidleisio drostynt o blaen. Pwy a ŵyr efallai fydd Mr Simon Thomas Penparcau, gyda'r slogan "You cannot Out Corbyn, Corbyn" yn troi i fyny i'r Bellvue ar ddydd Sadwrn y 4ydd. Fe alwodd yn y gynhadledd ar Blaid Cymru 'to stand on solid nationalist round' on beth ydy hwnna yn meddwl mewn gwirionedd?  Mae Plaid Cymru wedi bod wrthi ers 1925 a fasa rhywun yn meddwl os fasa e nhw yn mynd i lwyddo cipio calonnau'r genedl ei fasa e nhw wedi ei gwneud e erbyn hyn. Mae 'na pwsh o fewn y blaid i gynrychioli dosbarth gweithiol y wlad gan 'naughty boy' Neil McEvoy ond mae o wedi cael ei wahardd cyn iddo fo allu amlinellu ei 2020 Vision. Gydag un arall o rengoedd y dosbarth gweithiol, Leanne Wood yn addo i ni gyd fel rhyw fath o Joan of Arc fydd hi am arwain ni o'r anialwch tan etholiadau'r Cynulliad yn 2021 mae'n anodd gweld beth eill cenedlaetholwyr rhwystredig i wneud yn enwedig os ydych yn ystyried eich hunan yn 'trendi lefty'. Ydych chi yn taflu eich lot gyda giang o dynion canol oed, chwerw, yn y Belle Vue neu ydych yn parhau i chwipio ceffyl marw gyda Phlaid Cymru? Mae bob polisi maent yn amlinellu fel chwythu awyr mewn i gorff diwifr. 

Oherwydd bod Llafur Carwyn Jos gymaint i'r dde mi faswn ni yn anghytuno gyda'r Bnr Thomas a dweud yn blwmp ac yn blaen na agenda Corbyn ddylse fod gyda'r Blaid. Mae rhaid penderfynu os ydych yn beiriant hel pleidleisiau, at unrhyw gost i'ch hygrededd, neu ydych am ddilyn trywydd sydd yn boblogaidd gyda thrwch poblogaeth Lloegr sydd am weld diwedd teyrnasiaeth totalitaraidd y Torïaid dod i ben. Ni allwn wadu fod yna rhai yn ein mysg gyda thueddiadau asgell dde, rhai sydd yn pleidleisio UKIP a Thori ond pam chwarae i'r galeri yna os rydym am fyw gydag ein cydwybod am genedlaethau i ddod. Yn fy marn i mae Plaid Cymru wedi chwythu ei phlwc fel Plaid Wleidyddol o unrhyw bwys. Fydd rhaid cael Plaid sydd yn gwasanaethu'r 'Welsh National Interest' ond mi fyddai wedi syfrdanu os y 'Bois o'r Bellvue' fydd yr ateb.