"A ydy'r sefyllfa yn anobeithiol? Ydy', wrth gwrs, os bodlonwn ni i anobeithio. 'Does dim yn y byd yn fwy cysurus nag anobeithio. Wedyn gall dyn fynd ymlaen i fwynhau byw."
Balls i Brydeindod neu geilliau i Genedlaetholdeb Prydeinig. Heddiw di'r diwrnod mae'r Frenhines a Buck House yn tynnau'r cwlwm rhedeg o gwmpas cwd y genedl Gymraeg gan ddosbarthu anrhydeddau fel fferins yn Ffair Borth. A pwy ydan ni i wrthod? Rhai dewr sydd yn deud na. Roedd L.S Lowry yr arlunydd yn un a wrthododd ar sawl achlysur, David Bowie un arall ag heddiw Lynn Faulds Wood, a llongyfarchiadau mawr iddi hi. Ond mae Bryn Terfel wedi derbyn a Chris Coleman hefyd a pwy ydan ni'r cenedlaetholwyr Cymraeg cynddeiriog i feirniadu? Maent wedi gwneud gymaint dros ganu a phêl-droed yn do? Canu a phêl-droed hmmmm. Oleua mai ymdrechion y tîm ffwtbol dros yr haf yn newid agwedd o'r tu allan tuag aton ni. Nid bellach gwlad y bel hirgrwn ond pa bynnag siâp y bel mae'n amlwg ni allwn dal nhw fyny i ddosbarth uwch Lloegr pan mae losin a da da yn cael ei rhannu allan. Esiampl arall o rannu a gorchfygu ar ran yr ymerodraeth Brydeinig. Pwy a ŵyr beth a ddaeth ar ein traws fel cenedl yn 2017? Efallai fydd o'n fwy derbyniol i alw pâl yn pâl (spade) yn lle'r rhaw (shovel) bondigrybwyll. Fydd rhaid i ni ddeud yn gwbl gyhoeddus, heb ofni am ein swyddi neu ein safle yn gymdeithas, ein statws, os yw rhywbeth yn mynd yn groes i'r graen. Mae unfed awr ar ddeg Saunders Lewis wedi troi i mewn i bum munud i hanner nos. 'Does dim yn y byd yn fwy cysurus nag anobeithio. Wedyn gall dyn fynd ymlaen i fwynhau byw.' A dyna fydd yr her i ni yn 2017, i gario mlaen yn yr un hen ffordd a gobeithio am newid neu geisio dod at ein gilydd mewn ffordd wahanol i Eisteddfod. Yn lle cystadlu yn erbyn ein gilydd, wyl fawr wleidyddol yn debyg i Woodstock ond heb y canu a chwarae pel droed. I gau, yr unig beth allai ddeud ydy peidiwch â digalonni ond mae anobeithio yn iawn oherwydd allwn ni gyd wedyn mwynhau byw.
.jfif)
No comments:
Post a Comment