E am Elitaidd

https://eisteddfod.cymru/cyrraedd-aros-newyddion-mwy/tocynnau?_ga=1.158501562.1285818521.1470214472

Pwy sydd yn gallu afforddi £20.00 i fynd i fewn i faes yr Eisteddfod am ddiwrnod? Mae £20.00 i rywun di-waith fel £200.00. Ac mae'r pensiynwyr druan yn cael gostyngiad o £2.00 ac yn mynd i mewn am £18.00 felli ddim pensioneers cyffredin di rhain yn amlwg. Pensioneers gyda phensiwn preifat i dalu am y fath beth. Mae 'na ostyngiad i fyfyrwyr ond fydd rhaid i fyfyrwyr gysylltu gyda'r Eisteddfod i ffeindio allan faint ydy'r pris. Beth ydy'r gyfrinach fawr? Mi gewch chi ostyngiad am bedwar o gloch y prynhawn ond erbyn hynny mae pawb yn pacio fyny i fynd adref. Waith i mi falu awyr mwn a deud fod yr ŵyl gystadleuol flynyddol yn sploetch elitaidd dosbarth canol gwyn. Does 'na very few Cymry Cymraeg di waith felly pam cynnig gostyngiad fasa ei dadl nhw dwi'n siŵr. Ond os ydy nod y bobol a'i phethau ydy'r filiwn o siaradwyr Cymraeg yma, gobeithio yn fawr fydda nhw ddim i gyd yn ddosbarth canol gwyn, oherwydd rydym eisiau 'quality not quantity' mwn. Pa ots am yr iaith os ydy'r person gyda moesau hunanol, cyfalafol pob gwlad wen arall yn y byd. Dewch flaen Eisteddfod Genedlaethol, mae rhywun yn rhywle yn ennill pres go dda! Pam dych chi ddim yn cynnig talu eich stiwardiaid gwirfoddol os ydych yn codi tal o ugain punt y dydd i ddod mewn i'r maes? Mae yn anfoesol ac yn anfaddeuol fod y cathod tew ar y top yn cael yr hufen i gyd a'r bobol fach yn cael briwsion o fwrdd yr Eisteddfod. Pam fod yr Eisteddfod, yn lle efelychi bob system gyfalafol gwneud pres arall, yn gallu dilyn esiampl sosialaidd? Talwch beth allwch chi afforddi ac yn amlwg fydd y cathod tew yn talu £200.00 a fydd y bobol fach yn cario blaen i dalu £20.00 os pres yn amlwg ydi'r nod. Dwi'n meddwl fod nhw jest eisiau cadw riff raff fel fi allan o'r maes.