Torïaid a Therfysgwyr

                                        Twll Din I'r Toris from David Williams on Vimeo.

Well lats mae ein bywydau wedi cael ei domineiddio yn ddiweddar gan Doriaid a Therfysgwyr. Ond fydd o gyd drosodd dydd Iau i un ohonyn nhw obeithio. Fydd y terfysgwyr gyda ni am byth tan i ni ddysgu sut i fod yn ddiymhongar, ni yn y Gorllewin gwyn. I ni yn Gymru wedi bod yn ddiymhongar am ganrifoedd ond dyw'r sefydliad Prydeinig ddim wedi bygwth ni gyda dienyddio, well ddim eto beth bynnag. Mae'r Torïaid wedi bod yn cyhwfan drosom ni fel cwmwl du dros Rhostrehwfa ers 1979. Roedd Tony Blair yn Llafur yn enw yn unig. Tori oedd o! Siŵr eich bod yn ddigon hen i weld beth sydd wedi arwain i hwn i gyd? Hunan-dyb, balchder, meddylfryd yr ymerodraeth ac yn anffodus rydym ni yn Gymru fach wedi cael ein sugno mewn i'r holl bell. Mae 'na Feseia ar y gorwel sef JC, ie Jeremy Corbyn ei hun sydd wedi cael 30 mlynedd o brofiad o astudio'r creaduriaid ymffrostgar yma. Os gawn ni'r Torïaid allan dim ond y terfysgwyr fydd ar ôl wedyn i ddelio gyda nhw a faswn ni yn tybio na ymateb mwy cymodol gan lywodraeth fwy teg i bawb fydd yn dwyn ffrwyth yn y pen draw ond pwy a ŵyr "Dydym ddim yn gallu trafod gyda therfysgwyr" ydy mantra y sefydliad erioed ond hwnna oddiwrth ochor oedd wastad yn meddwl na nhw oedd yn iawn. Pam fod gyda chi dwy ochor sydd yn edrych i Dduw am arweinyddiaeth rydym yn sicr i fod mewn cawdel go iawn, cawdel sydd yn rhoi capelwyr bach mewn penbleth. Beth yn union rydym yn addoli a chanu amdano ar y Sul? Newydd weld gair yn y Geiriadur Mawr yn fan hyn 'Cecsyth' (a) adjective sef Arrogant. Tybed a ydy hwn yn dod o Geg Syth sef Straight Mouth neu Straight Talker? Rhyfedd sut rydym yn dehongli hwnna fel arrogance yn de. Efallai gair o'r capel ydy o am rywun sydd yn deud o fel mae yn ei weld o. Dim digon o rheina o gwmpas erbyn hyn ac oes maen nhw o gwmpas ond dydyn nhw ddim mewn safle pwerus. Cadw pawb yn hapus ydy'r nod a neb yn hapus yn y pen draw. Ble bynnag wnewch chi roi eich croes dydd Iau dychmygwch o fel croes yr Iesu. Mi wnaeth rhywun aberth drosom ni i gael yr hawl i wneud hyn. The bullet or the ballot box. Chi fydd rhaid penderfynu.