The Incredible Shrinking Man

Bob tro dwi'n dychwelyd i Gaerdydd ar ôl treulio amser yn gwahanol rannau o Gymru dwi'n teimlo fel 'The Incredible Shrinking Man'. Mae e'n dechrau'r eiliad dwi di ddod i ffwrdd o drofa'r M4, Cardiff West a dwi'n mynd lawr yr A4232, mae teimlad o anesmwytho yn dod drosta’i. Mae rhaid i mi fod yn was bach y Brifddinas eto, dyn tawel sydd yn troi ei gefn ar y gymdeithas ddinesig byddent nhw’n Gymru nei beidio. Mae'r ymarferiad yr un peth bob tro, parcio'r car mor agos i’n tŷ sydd yn bosib ac wedyn adael o yna tan y tro nesaf mae rhaid i mi ffoi i'r Gorllewin neu'r Gogledd oherwydd yn eiriau Kenny Rogers fi ydy 'The Coward of the County' neu 'Incredible Shrinking Man'. Dwi'n nerfus iawn dreifio o gwmpas y ddinas ac fel person mewn oedran dwi'n cynllunio bob taith, faint o gloch fydd cyn lleied o draffig o bobol ar hyd y lle i mi gael y siawns gorau posib o daith di ffwdan. Mae rhywbeth mawr yn crynhoi yn fy nghorff os fydd rhaid i mi stopio mewn jam traffic neu oherwydd bod 'na gymaint ar hewl. Felli yn y ddinas fawr hyll yma ble rwyf wedi bod yng ngwystlon am bum mlynedd ar hugain dwi'n cerdded i bob man neu dwi'n seiclo. Anaml fyddai yn dal y bws, gormod o bobol. Dwi'n sylweddoli fy mod i yn hoffi sefyllfaoedd a phobol mi allai rheoli! Mae hwnna yn swnio yn rhyfedd ond os dwi'n teimlo fod person yn mynd i grynhoi mi neu fy mygwth yn emosiynol, dwi'n osgoi nhw, dyna pam fod gweithio mewn meysydd confensiynol yn gymaint o her. Mi fydd na digwyddiadau a phobol ni allet ti reoli.
Dwi'n ceisio cadw proffil isel yn y stryd, peidio mynd allan os fydd na lot o bobol neu gymdogion yn mynd a dod. Dwi'n osgoi'r amseroedd brysura'r dydd. Ofn, rhwystredigaeth, arferiad, y zone 'cyfforddus'. Mae rhaid newid lleoliad ond i ble a pham! Mi wnes i symid i Lundain yn 2000 i ddechrau bywyd newydd, well dyna oedd y gobaith ond yr un hen fywyd oedd o, yr un hen feddylfryd ond mewn lleoliad wahanol. Maent yn deud galla’u chi ddim dysgu triciau newydd i hen gi ond yn fy achos i ddwi'n gobeithio nad ydy hwnna yn wir.